Language 

Our Lady of Medjugorje Messages containing 'akin'

Total found: 22
Mahal kong mga anak, Ngayon ay inaanyayahan ko kayo upang buksan ang inyong kalooban sa Diyos na lumalang sa atin, upang kayo ay magbago. Mga anak kong munti kayo ay narito sa akin. Mahal ko kayong lahat kaya tinatawagan ko kayo upang lalong lumapit sa akin, upang ang inyong pagmamahal sa aking banal na puso ay lalong tumibay. Nais ko kayong magbago at akayin sa landas tungo sa puso ni Jesus, na hanggang ngayon ay nagdurusa dahil sa inyo kaya tinatawagan kayo na magbago. Sa pamamagitan ninyo ay nais kong mabago ang mundo. Maunawaan ninyo mga anak kong munti na kayo ngayon ang asin at ilaw sa mundo. Mga anak kong munti inaanyayahan ko kayo at minamahal ko kayo ng labis. Maraming salamat sa pagtugon sa aking pagtawag.
Mahal kong mga anak, Ang panginoon ang nagbigay sa akin ngayon ng gantimpala para sa iyo, upang gabayan at akayin sa landas ng kapayapaan. Mahal kong mga anak, ngayon ay hindi mo maunawaan ang kaluglhatian, ngunit balang araw ay matatamo mo ang katutuhanan tungkol sa mensahing ito. Kaya mga anak kong munti, mabuhay ang lahat sa mundo na ipinagkaloob sa atin ngayon at huwag makalimot manalangin, hanggang maging kagalakan sa iyo. Unang una ay tinatawagan ko ang lahat ng taos pusong sumasampalataya sa mahal na birhen upang maging halimbawa sa iba. Tinatawagan ko ang lahat ng pari at mga kapatid kong lalaki at babae upang magdasal ng rosaryo at turuang magrosaryo ang lahat. Mga anak kong munti, ang mahalaga sa akin. Tungkol sa pagrorosaryo buksan ang inyong puso sa akin at kayo ay aking sasaklolohan. Maraming salamat sa inyong pagtugon sa aking pagtawag.
Mahal kong mga anak, kahit ngayon ako ay sumasainyo at muli ko kayong tinatawagan upang lalong lumapit sa akin sa pamamagitan ng panalangin. Sa mahalagang paraan, ay tinatawagan ko kayo upang magbago sa panahon ng kapayapaan. Mga anak kong munti magmuni-muni at mabuhay sa pamamagitan ng munting sakripisyo, para sa paghihirap at pagkamatay ni Jesus para sa bawat isa sa atin. Kung kayo ay lalapit sa Diyos kayo ay patatawarin at mamahalin tulad ng ginawa niya sa bawat isa sa atin. Sa pamamagitan ng panalangin at pagbabago kayo ay magiging mas matatag sa pananampalataya at pagmamahal tungo sa simbahan at sa mga taong nakapalibot sa iyo. Mahal ko kayo at ginagabayan ko kayo. Salamat sa inyong pagtugon sa aking pagtawag.
Mga mahal kong anak! Sa araw na ito ay tinatawagan ko kayo para magayuno at talikdan ang lahat ng kasamaan. Mga munti kong anak, talikuran ninyo ang mga nakakabalakid sa pagiging malapit kay Hesus. Sa natatangingparaan ay tinatawagan ko kayo: Dumalangin, sapagkat sa pamamagitan lamang ng pagdarasal ay inyong malalabanan ang makasariling hilig at matatagpuan ang naisin ng Diyos kahit sa maliit na bagay. Sa pamamagitan ng inyong pang-araw-araw na buhay, mga munti kong anak, kayo ay magiging halimbawa at saksi kung kayo ay nabubuhay para kay Hesus, o laban sa kanya at sa kanyang naisin. Mga munti kong anak, ninanais ko kayo na maging tagapaglaganap ng pag-ibig. Sa pamamagitan ng pag-ibig, munti kong mga anak, na masasabing ikaw ay akin. Salamat sa inyong pagtugon sa aking pagtawag.
Mahal kong mga anak, Ngayon ay inaanyayahan ko kayo upang manatiling malapit sa akin sa pamamagitan ng pananalangin. Mga anak kong munti, ako ang inyong ina, at minamahal ko kayo at sanay manatili ang bawat isa sa inyo ay ligtas at maging sa kalangitan. Kaya mga anak kong munti manalangin, manalangin, manalangin hanggang ang inyong buhay ay manatiling nananalangin. Maraming salamat sa inyong pagtugon sa aking pagtawag.
Mahal kong mga anak, ngayon ay tinatawagan ko kayo upang lalong lumapit sa aking banal na puso. Tinatawagan ko kayo upang ulitin sa inyong buong pamilya ang pagiging malapit sa akin tulad ng unang araw nang ako ay tumawag sa inyo upang magsakripisyo, magdasal at magbago. Mga anak kong munti, tinanggap ninyo ang aking mensahe ng bukas sa puso, kahit na hindi ninyo alam kung ano ang pagdalangin. Ngayon, ako ay tumatawag sa inyo upang buksan ang inyong sarili ng lubusan sa akin upang kayo ay magbago at magtungo sa puso ng aking anak na si Hesus, upang inyong madama ang kanyang pag-ibig. Sa pamamagitan lang ng paraang ito, mga anak kong munti ay inyong matatagpuan ang tunay na kapayapaan, ang kapayapaan na ang Diyos lamang ang makapagbibigay sa inyo. Maraming salamat sa inyong pagtugon sa akin pagtawag.
Mahal kong mga anak; Ngayon ay tinatawagan ko kayo upang ihanda ang inyong sarili sa pagdating ni Hesus. Sa mahalagang paraan, ay ihanda ang inyong puso. Ang sagradong kumpisal ay nangunguna upang magbago tayo kaya, mahal kong mga anak magdesisyon para sa kabanalan. Ang inyong pagbabago at mga desisyon para sa kabanalan ay gawin ngayon at huwag ng ipagpabukas pa. Mga anak kong munti, tinatawagan ko kayong lahat tungo sa kaligtasan at ako ay nangangako upang ipakita ang daan tungo sa kalangitan. Kaya, mga anak kong munti suma akin kayo at magdesisyon para sa kabanalan. Maraming salamat sa inyong pagtugon sa aking pagtawag.
Mga Mahal kong Anak! Ngayon ay ninais ko na buksan sa inyo ang aking makainang puso at kayo ay aking tinatawagan upang manalangin para sa aking mga saloobin. Ninanais ko na kayo ay magpanibagong simula sa pagdarasal at inaanyayahan ko kayo na mag ayuno upang ihandog sa aking anak na si Jesus para sa nalalapit na pagdating ng bagong panahon-panahon ng tagsibol. Ngayon ay panahon ng taon ng Jubilee maraming puso ang nagbukas sa akin at ang simbahan ay muling nagsimula sa Espiritu. Ako ay nagagalak at nagpapasalamat sa Diyos sa aking aginaldo, at kayo, mga anak kong munti ay tinatawagan ko na magdasal, magdasal, magdasal hanggang ang pagdarasal ay maging ligaya para sa inyo. Maraming salamat sa inyong pagtugon sa aking pagtawag.
Mga anak kong munti! Ngayon na ipinagkaloob sa akin na ako ay sumasainyo, ang munting Jesus sa aking mga bisig. Ako ay nakikisaya sa inyo at ako ay nagpapasalamat sa Diyos sa lahat ng bagay na kanyang ginawa ngayon taon ng Jubilee. Ako ay nagpapasalamat sa Diyos lalung-lalo na sa lahat ng mga sumagot ng "Oo" sa Diyos ng buong-buo, sa pagtawag sa natatanging paglilinkod sa Diyos Binabasbasan ko kayo ng aking pagpapala at ang bendisyon ng bagong silang na Jesus. Akin kayang ipinagdarasal para sa inyong kaligayahan na isisilang sa inyong mga puso iyong ang ligaya ay inyong madala ngayon. Sa munting sanggol na ito ay aking dinadala ang tagapagligtas sa inyong mga puso at siya ang tumatawag sa inyo sa kabanalan sa buhay. Maraming salamat sa inyong pagtugon sa aking pagtawag.
Mga mahal kong anak, Makipagdiwang kayo sa akin sa panahong ito ng tagsibol na ang lahat sa kalikasan ay nagsisigising, at ang inyong mga puso ay naghahangad ng pagbabago. Buksan ang inyong sarili mga anak at manalangin. Huwag ninyong kalilimutan na ako ay laging nasa inyo, at ninanais ko na igabay ko kayo sa aking Anak upang bigyan kayo ng handog na tapat na pagmamahal tungo sa Diyos at ang lahat na mula sa kanya. Buksan ang inyong mga sarili sa pananalangin at hanapin ang pagbabago ng inyong mga puso mula sa Diyos; ang lahat ay kanyang nakikita at ipagkakaloob. Salamat sa pagtugon ninyo sa aking panawagan.
Mahal kong mga anak! Ngayon ako’y nagagalak kasama ng inyong mga patron, at tinatawagan ko kayo na maging bukas sa kalooban ng Diyos nang sa gayon, sa iyo at sa pamamagitan mo ay yumabong ang pananampalataya nang bawat taong makatagpo mo sa araw-araw mga anak, manalangin kayo hanggang ang pananampalataya ay maging kagalakan para sa iyo. Hingin ninyo sa inyong banal na tagapangalaga na tulungan kayong lumaki na nagmamahal sa Diyos salamat sa pagtugon ninyo sa akin.
Mahal kong mga anak! Ngayon at higit magpakailanman ay tinatawagan ko kayo upang buksan ninyo ang inyong mga puso sa aking ipinahayag sa inyo. Mga anak, maging tagapagdala kayo ng mga kaluluwa upang mapalapit sa Diyos. Huwag yaong maglalayo sa kanila. Ako ay nasa sa inyo at minamahal ko kayo ng may tanging pagmamahal. Ito ay panahon ng pagtitika at pagbabago at mula sa kaibuturan ng aking puso ay tinatawagan ko kayong maging akin ng buo ninyong puso at dito lamang ninyo makikita na ang Diyos ay dakila sapagkat ipagkakaloob niya sa inyo ang masaganang biyaya at kapayapaan. Salamat sa pagtugon ninyo sa aking panawagan.
Mahal kong mga Anak! Ngayon din ay tinatawagan ko kayo na magtiwala sa akin at sa aking Anak. Pinagtagumpayan Niya ang Kanyang kamatayan at muling pagkabuhay at sa pamamagitan ko ay tinatawagan Niya kayo upang maging bahagi ng Kanyang kasiyahan. Hindi ninyo nakikita ang Diyos, munti kong mga anak, nguni't kung kayo'y mangagdarasal ay mararamdaman ninyo na Siya'y nalalapit lamang. Ako ay sumasainyo at namamagitan sa harap ng Diyos para sa inyong lahat. Salamat sa pagtugon ninyo sa aking panawagan.
Mahal kong mga Anak! Ngayon din ay tinatawagan ko kayo upang manalangin, manalangin, manalangin. Sa pamamagitan lamang ng panalangin kayo mapapalapit sa akin at sa aking Anak at makikita ninyo kung gaanong kaiksi ang buhay. Sa inyong mga puso ay isisilang ang hangarin ng kaluwalhatian. Ang kagalakan ay magsisimulang maghari sa inyong mga puso at ang panalangin ay aagos na parang ilog. Sa inyong mga pananalita ay panay lamang mga pasalamat sa Diyos para sa Kanyang paglalang sa inyo at ang pagnanasa ninyo sa kabanalan ay magiging katotohanan para sa inyo. Salamat sa pagtugon ninyo sa aking panawagan.
Mahal kong mga Anak! Nais kong pasalamatan kayo mula sa aking puso sa lahat ng inyong mga tinalikuran ngayong Mahal na Araw. Nais kong pukawin ang inyong mga kalooban na ipagpatuloy ang pag-aayuno ng may bukas na puso. Sa pamamagitan ng pag-aayuno at pagtatakwil, munti kong mga anak, mas lalakas ang inyong paniniwala. Sa Diyos ay matatagpuan ninyo ang tunay na kapayapaan sa pamamagitan ng pagdarasal araw-araw. Ako ay sumasainyo at hindi ako napapagod. Ninanais kong isama kayo lahat sa akin sa Kalangitan, kung kaya piliin araw-araw ang kabanalan. Salamat sa pagtugon ninyo sa aking panawagan.
Mahal kong mga Anak! Ngayon din, nang may malaking kagalakan sa aking puso, tinatawagan ko kayong sumunod sa akin at makinig sa aking mga pasabi. Maging mga masasayang tagahatid ng kapayapaan at pag-ibigl sa mundong ito na walang katahimikan. Ako ay sumasainyo and binabasbasan ko kayong lahat sa kasama ng aking Anak na si Hesus, Hari ng Kapayapaan. Salamat sa pagtugon ninyo sa aking panawagan.
Mahal kong mga Anak! Makipagdiwang kayo sa akin, manibagong loob ng may kasiyahan at magbigay pasalamat sa Diyos sa handog niyang humarap ako sa inyo. Manalangin, sa inyong mg puso, na ang Diyos ang siyang maging sentro ng inyong buhay at sa pamamagitan ng inyong buhay, masaksihan, munti kong mga anak, upang lahat ng nilalang ay maramdaman ang pagmamahal ng Diyos. Nawa'y kayo ang mga maging nakaabot kong mga kamay para sa lahat ng nilalang, upang mapalapit ang lahat sa pagmamahal ng Diyos. Binabasbasan ko kayo ng maka-inang pagpapala. Salamat sa pagtugon ninyo sa aking panawagan.
Mahal Kong Mga Anak! Muli ay tinatawagan ko kayo na sumunod sa akin ng may kagalakan. Hangad ko na akayin kayo sa aking Anak, ang inyong Tagapagligtas. Hindi ninyo namamalayan na kung wala Siya, wala kayong kagalakan at katahimikan, at wala rin kayong kinabukasan o buhay na walang-hanggan. Samakatuwid, munti kong mga anak, pagbutihin ninyo ang gamit sa panahon na puno ng masayang pananalangin at pagsuko. Salamat sa pagtugon ninyo sa aking panawagan.
Mahal kong mga anak. Dala ang maka-inang katiyagaan at pag-ibig, inihahandog ko sa inyo ang ilaw ng buhay upang puksain ang karimlang hatid ng kamatayan. Huwag akong talikdan aking mga anak! Tumigil at suriin ang inyong mga sarili at alamin kung gaano kayo nagkasala. Malasin ang inyong mga kasalanan at humingi ng kapatawaran. Aking mga anak, ayaw ninyong tanggapin na kayo ay marupok at malilit pa ngunit sa pamamagitan ng pagsunod sa kalooban ng Diyos kayo ay maaring lumakas at maging kahanga-hanga. Iaalay ninyo sa akin ang inyong mga pusong pinalinis upang matanglawan ko ito ng ilaw ng buhay: ang aking Anak.
Mahal kong mga anak, tinawagan ko kayo na makiisa kay Hesus, na aking Anak. Ang aking maka-inang puso ay nananalanging upang inyong maunawaan na kayo ay kabilang sa pamilya ng Panginoon. Sa pamamagitan ng kalayaang pang-ispiritwal, na bigay ng Mabathalang Panginoon, kayo ay tinatawagang mabatid and katotohanan, ang mabuti at ang di wasto. Nawa'y ang panalangin at pag-aayuno ay magbukas ng inyong mga puso. Sa pagsaliksik sa Ama, ang iyong buhay ay maayon sa pagtugon sa kagustuhan ng Panginoon at matanto ninyo ang angkan ng Diyos alinsunod sa kagustuhan ng aking Anak. Hindi ko kayo iiwan sa landasing ito. Salamat.
Naramdaman ni Mirjana na maaring niyang sabihin sa ating Mahal na Ina: "Kaming lahat at dumudulog sa inyo dala ang aming mga krus at pagdurusa. Kami ay nagsusumamong tulunga kami. Inabot ng Mahal na Birhen ang kanyang mga kamay sa atin at winika: "Buksan ninyon ang inyong puso. Ibigay ninyo sa akin ang inyong pagdurusa. Ang Ina ay tutulong."
To compare Medjugorje messages with another language versions choose
1 2 Next>>

 


Wap Home | Updates  | Medjugorje[EN]  | Messages  | Articles[EN]  | Videos[EN]  | Pictures[EN]

Powered by www.medjugorje.ws