Language 

Our Lady of Medjugorje Messages containing 'siya'

Total found: 30
Ang sabi ni Mirjana ang mahal na Birhen ay malungkot habang ibinibigay ang mensahe, kungbaga ay matatag siya binindisyunan niya ang lahat ng naroon at ang lahat ng relihiyosong bagay. Ang mahal na Birhen at si Mirjana ay nagdasal ng Ama Namin at luwalhati sa ama para sa mga hindi sumasampalataya. Paghihimala ay nagtagal ng anim na minuto simula sa ala-una singkuwenta ng hapon. Wala siyang sinabi tungkol sa sekieto.
Mahal kong mga anak! Bilang isang ina ay hihihiling ko na huwag ka nang magpatuloy sa iyong kasalukuyang landas, ang landas na walang pag-ibig sa kapwa at kay Jesus. Sa landas na ito, ay makikita mo lamang ang katigasan at walang laman ang iyong puso, at hindi kapayapaan na siya mong ninanais. Ang tunay na kapayapaan ay makikita lamang sa pagmamahal sa kapwa at kay Jesus. Sa isang puso na ang aking anak ang siyang nananatili at siyang nakakaalam ng kapayapaan at kaligtasan. Salamat sa inyong pagtugon sa aking pagtawag.
Mahal kong mga anak! Inaanyayahan ko kayo upang sambahin ang Diyos at sa ngalan ng Diyos ay maging sagrado sa ating puso at sa ating buhay. Mga anak kong munti, kung kayo ay sumasampalataya sa Diyos, Siya ay sumasainyo at nagbibigay ng kapayapaan at kaligayahan mula sa Diyos sa pamamagitan ng panalangin. Kaya mga anak kong munti, manalangin tayong lahat at isapuso ang pananampalataya sa ngalan ng Diyos at sa kalangitan mula sa kaibuturan ng ating puso. Siya ay napakalapit sa atin at ginagabayan tayo ng Diyos. Salamat sa inyong pagtugon sa aking pagtawag.
Mahal kong mga anak! Ngayon ako ay sumasainyo sa mahalagang paraan at ibibigay ko sa inyo ang mahal na ina ng kapayapaan. Ipinagdarasal ko kayo at ihahatid tungo sa Diyos, upang sumampalataya ang bawat isa sa atin at makapaghatid ng kapayapaan. Wala kang kapayapaan kung ang puso mo ay walang kapayapaan sa Diyos. Kaya, Mga anak kong munti, manalangin manalangin, manalangin, dahil ang pananalangin ang siyang bumubuo ng kapayapaan. Buksan ang inyong puso at maghandog ng onas sa Diyos upang siya ay maging kaibigan. Kung ang tunay na kaibigan na maka Diyos ay mananatili, walang bagyo na makakasalanta sa atin. Maraming salamat sa inyong pagtugon sa aking pagtawag.
Mahal kong mga anak, Ngayon ako ay nagagalak sa inyo, at tinatawagan ko kayo sa kabutihan na siya kong ninanais sa bawat isa sa atin na makita at dalhin ang katahimikan sa inyong puso at sabihin; na nais kong ang Diyos and manguna sa inyong buhay. Sa pamamagitan lamang nito, mga anak kong munti na ang bawat isa sa atin ay maging banal. Mga anak kong munti, sabihin ninyo sa lahat, nais ko ang kabutihan at mga anak kong munti, sabihin ninyo sa lahat, nais kong kabutihan ninyo at siya ay tutugon ng may kubutihan at mga anak kong munti, nagbigay ng kanyang buhay at nagligtas sa atin. Kaya, mga anak kong munti, magsaya at inyong ibahagi kay Jesus and inyong kamay kay Jesus siya lamang ang mabuti. Maraming salamat sa inyong pagtugon sa aking pagtawag.
Mirjana taunang mensahe Ang pinagpapakitaan ng Mahal na Birhen,Mirjana Dragicevic-Soldo ay nagkaroon ng taunang pagpapakita noong Marso 18,1998. Ang Mahal na Birhen ay tumigil na sa pagpapakita sa kanya noong Disyembre 25,1982. Noong panahong iyon ang Mahal na Birhen,pagkatapos ipagtapat sa kanyang kaarawan, Marso 18 hanggang siya ay nabubuhay. At ngayon Marso 18,1998 ay nagpakita ang Mahal na Birhen sa kanya. Ang pagpapakta ay tumagal ng apat hanggang limang minuto. Ang Mahal na Birhen ay nakipag-usap tungkol sa sekreto, binindisyunan ang lahat ng mga naroroon, at ibinigay ang sumusunod na mensahe.
Mahal kong mga anak! Tinatawagan ko kayong lahat upang aking maging ilaw, upang maliwanagan ang mga naliligaw ng landas, upag punuin ang kanilang puso ng kapayapaan ng aking anak. Salamat sa inyong patugon sa aking pagtawag.
Mahal kong mga anak! Ngayon ay tinatawagan ko kayo, sa pamamagitan ng pagdarasal at pagsasakripisyo, upang ihanda ang ating sarili sa padating ng Espiritu Santo. Mga anak kong munti, ngayong ang panahon ng grasya, at muli ko kayong tinatawagan para sa Diyos, na lumalang sa atin. Hayaan mo na siya ang mag-iba at magpabago sa iyo. Sana ang iyong puso ay maging handa sa pakikinig, at mabuhay, lahat ay naayon sa nais ng Espiritu Santo para sa bawa't katotohanan at kaligtasan tungo sa walang hanggang buhay. Maraming salamat sa inyong pagtugon sa aking pagtawag.
Mahal kong mga anak, Kahit ngayon ay tinatawagan ko kayo upang lumuwalhati sa Diyos, na lumalang sa mga kulay ng kalikasan. Siya ay nakikipag-usap sa iyo gayundin kahit sa pinakamaliit na bulaklak tungkol sa kagandahan at katindihan ng pag-ibig na siyang naglalang sa iyo. Mga anak kong munti ang pagdalangin ay magbuhat sana sa inyong mga puso katulad ng malinaw na tubig sa tagsibol. Nawa'y ang trigo sa bukid ay makipag-usap sa iyo tungkol sa habag ng Paginoon sa bawa't nilalang. Dahil dito, magpanibagong simula sa pagdalangin sa lahat ng bagay na ibinigay sa iyo. Maraming salamat sa inyong pagtugon sa aking pagtawag.
Mahal kong mga anak! Ngayon ay tinatawagan ko kayong muli upang maging tagapaglaganap ng kapayapaan. Sa natatanging paraan, ngayong isinasaad na ang Diyos ay nasa malayo, Siya ay totoong hindi naging malapit sa iyo. Tinatawagan ko kayo na manalangin muli ang inyong pamilya sa pamamagitan ng pagbasa ng banal na kasulatan at makaranas ng kasiyahan sa pagtanggap sa Diyos na siyang nagmamahal ng walang katapusan sa lahat ng kanyang nilalang. Salamat sa inyong pagtugon sa aking pagtawag.
Ang pagpapakita ay nagsimula sa 9:55 ng umaga at tumagal ng mga limang minuto. Ang mahal na Birhen ay nanalangin para sa bawa't isa at binasbasan ang bawa't isa. Si Mirjana ay natatanging itinagubilin ang mga maysakit. Sa panahong ito, ang mahal na Birhen ay hindi bumanggit ng kahit ano sa mga sekreto.
Mga munti kong anak! Huwag maghanap ng katahimikan at kaligayahan ng walang saysay, sa maling lugar at sa maling bagay. Huwag hayaan ang inyong puso ay maging matigas dahil sa labis na pagpapahalaga sa sarili. Tawagin ang pangalan ng aking Anak. Tanggapin Siya sa inyong puso. Sa pamamagitan ng pangalan ng aking Anak kayo ay makakadama ng tunay na ligaya at katahimikan sa inyong puso. Tangi sa paraan lang ito na inyong makikilala ang pagmamahal ng Diyos at pagpapalaganap nito sa dako pa roon. Ako ay tumatawag sa inyo upang aking maging apostoles.
Mga anak kong munti! Ngayon na ipinagkaloob sa akin na ako ay sumasainyo, ang munting Jesus sa aking mga bisig. Ako ay nakikisaya sa inyo at ako ay nagpapasalamat sa Diyos sa lahat ng bagay na kanyang ginawa ngayon taon ng Jubilee. Ako ay nagpapasalamat sa Diyos lalung-lalo na sa lahat ng mga sumagot ng "Oo" sa Diyos ng buong-buo, sa pagtawag sa natatanging paglilinkod sa Diyos Binabasbasan ko kayo ng aking pagpapala at ang bendisyon ng bagong silang na Jesus. Akin kayang ipinagdarasal para sa inyong kaligayahan na isisilang sa inyong mga puso iyong ang ligaya ay inyong madala ngayon. Sa munting sanggol na ito ay aking dinadala ang tagapagligtas sa inyong mga puso at siya ang tumatawag sa inyo sa kabanalan sa buhay. Maraming salamat sa inyong pagtugon sa aking pagtawag.
Mahal kong mga anak! Ngayon kayo ay aking tinatawagan upang muling isagawa ang pagdarasal at ang pag-aayuno nang mas masigasig hanggang ang pagdarasal ay maging ligaya sa inyo. Munti mga anak, ang sino man magdasal ay hindi matatakot sa darating na panahon at sino man mag-ayuno ay hindi matatakot sa kasamaan. Muli, ay aking inuulit sa inyo:sa pamamagitan lamang ng pagdarasal at pag-aayuno ang digmaan ay matitigil-digmaan ng hindi paniniwala at takot sa darating. Ako ay sumasainyo at kayo ay aking tinuturuan mga munti kong anak: ang inyong katahimikan at pag-asa ay nasa Diyos. Dahil dito maging malapit kayo sa Diyos at Siya ay ilagay sa pangunahin lugar sa inyong buhay. Maraming salamat sa inyong pagtugon sa aking pagtawag.
Mga mahal kong anak! Sa panahon ito ng grasya, ako ay tumatawag sa inyo upang magbalik loob sa pagdarasal. Mga munti kong anak, manalangin at ihanda ang inyong puso sa pagdating ng Hari ng Kapayapaan, na sa pamamagitan ng kanyang bendisyon, Siya ay magbibigay ng kapayapaan sa buong mundo. Ang walang katahimikan ay nagsisimulang mamahay sa puso at pagkapoot ang siyang namamayani sa mundo. Dahil dito kayong nabubuhay sa mensahe ay siyang maging ilaw at paabutin ang inyong kamay sa mundong itong walang pananalig upang ang lahat ay makilala ang Panginoon ng Pagmamahal. Huwag kalimutan, mga munti kong anak, ako ay sumasainyo at kayo ay aking binabasbasan. Maraming salamat sa inyong pagtugon sa akong pagtawag.
Mga anak, ngayon ay tinatawagan ko kayong muli na manalangin. Mga anak maniwala kayo na ang himala ay nagagawa sa pamamagitan ng munting pananalangin. Buksan ang inyong mga puso sa Diyos at Siya ay gagawa ng himala sa inyong buhay. Sa pagtingin sa mga naging bunga ang inyong mga puso ay mapupuno ng tuwa at utang na loob sa Diyos sa lahat ng bagay na ginawa ninyo sa inyong mga buhay pati na sa iba sa pamamagitan ninyo. Manalangin kayo at manampalataya mga anak. Binibigyan kayo ng biyaya at ito ay hindi ninyo nakikita. Manalangin kayo at ito ay inyong makikita. Nawa’y ang araw ninyo ay mapuno ng pananalangin at pasasalamat sa lahat ng ipinagkaloob sa inyo ng Diyos. Salamat sa pagtugon ninyo sa aking panawagan.
Mahal kong mga anak! Tinatawagan ko kayo ngayon upang magpasalamat sa Diyos na nasa inyong mga puso alang-alang sa mga biyayang ipinagkaloob Niya sa inyo sa pamamagitan ng mga pahiwatig at kulay na nasa sa kalikasan. Nais ng Diyos na kayo ay mapalapit sa Kanya at matinag kayo upang siya ay papurihan at pasalamatan. Kung kaya mga anak tinatawagan ko kayong muli upang manalangin, manalangin, manalangin at huwag ninyong kalilimutan na ako ay kapiling ninyo. Ipinamamagitan ko ang bawat isa sa inyo sa Diyos hanggang magkaroon kayo ng ganap na tuwa. Salamat sa pagtugon ninyo sa aking panawagan.
Mahal kong mga Anak! Ngayon din ay tinatawagan ko kayo upang manalangin, manalangin, manalangin hanggang ang panalangin ay siya ninyong maging buhay. Munti kong mga anak, sa ngayon, sa natatanging pamamaraan, nananalangin ako sa harap ng Panginoon na pagkalooban kayo ng biyaya ng paniniwala. Tanging sa paniniwala lamang ninyo matutukasan ang kasiyahan ng biyaya ng buhay na ibinigay sa inyo ng Panginoon. Magdiriwang ang inyong mga puso sa pag-iisip ng buhay na walang hangganan. Ako ay sumasainyo at minamahal ko kayo ng magiliw na pagmamahal. Salamat sa pagtugon ninyo sa aking panawagan.
Ang mapangitaing si Ivanka Ivankovic-Elez ay nagkaroon ng regular niyang pangitain noong ika-25 ng Hunyo, 2006. Ayon sa mga mapangitain, sina Vicka, Marija at Ivan ay patuloy pa ring nagkakaroon ng pangitain araw-araw, at sina Mirjana, Ivanka and Jakov ay nagkakaroon ng pangitain minsan kada isang taon.
Sa huli niyang pangitain noong ika-7 ng Mayo 1985, ipinagkatiwala ng Ating Ina kay Ivanka ang ikasampung lihim at sinabi Niya dito na siya ay magkakaroon ng pangitain minsan isang taon sa anibersaryo ng mga pangitain. Gayun ang nangyari nitong taon na ito. Tumagal ang pangitain ng pitong minuto. Nagkaroon ng pangitain si Ivanka sa kanyang tahanan sa harap ng kanyang pamilya, ng kanyang asawa at tatlong anak. Ibinigay ng Ating Ina ang mga sumusunod na mensahe:
Mahal kong mga anak, Salamat sa pagtugon ninyo sa aking panawagan. Manalangin, manalangin, manalangin.
Masaya ang Ating Ina at nagsalita ng patungkol sa ikapitong lihim.
Mahal kong mga Anak! Ngayon din ay dala-dala ko sa inyo pangko sa aking bisig ang bagong-silang na si Jesus. Siya na Hari ng Kalangitan at kalupaan, Siya ang inyong kapayapaan. Munti kong mga anak, wala nang makapagbibigay sa inyo ng kapayapaan kundi Siya na Hari ng Kapayapaan. Samakatuwid, purihin Siya sa inyong mga puso, piliin Siya at katutuwaan Niya kayo. Babasbasan Niya kayo ng biyaya ng kapayapaan. Salamat sa pagtugon ninyo sa aking panawagan.
Sa huling araw-araw na pagpapakita kay Jakov Colo noong ika-12 ng Setyembre, 1998, sinabi sa kanya ng Ating Ina na magmula noon siya ay pagpapakitaan minsan isang taon, tuwing ika-25 ng Disyembre, sa araw ng Kapaskuhan. Gayun din ngayong taong ito. Ang pangitain ay nagsimula ng 3:32 ng hapon at tumagal ng 6 na minuto.
Ngayon ay dakilang araw ng kasiyahan at kapayapaan. Magdiwang kayong kasama ko. Munti kong mga anak, sa katangi-tanging paraan, tinatawagan ko ang kabanalan sa inyong mga pamilya. Hinahangad ko, munti kong mga anak, na bawa't pamilya ay maging banal at ang kasiyahan at kapayapaan ng Diyos, na ibinibigay sa inyo ng Diyos sa di-pangkaraniwang paraan, ay siya sanang maghari at manirahan sa inyong mga pamilya. Munti kong mga anak, buksan ang inyong mga puso ngayong araw na ito ng biyaya, piliin ang Diyos at ipagpa-una siya sa lahat ng bagay sa inyong mga pamilya. Ako ang inyong Ina. Mahal ko kayo at ibinibigay sa inyo ang Maka-inang Biyaya.
Mahal Kong Mga Anak! Buksan ang inyong mga puso sa habag ng Diyos ngayong panahon ng Mahal na Araw. Hinahangad ng ating Ama sa Kalangitan na iligtas tayong lahat sa mapang-aliping kasalanan. Samakatuwid, munti kong mga anak, gamitin ng tama ang panahong ito at sa pamamagitan ng pakikipagkita sa Diyos sa pangungumpisal, iwanan ang kasalanan at pagpasyahan ang kabanalan. Gawin ito ng dahil sa pagmamahal kay Hesus na tumubos sa inyong lahat sa pamamagitan ng Kanyang Dugo, upang kayo ay maging masaya at mapayapa. Huwag ninyong kalilimutan, munti kong mga anak: ang inyong kalayaan ay siya ninyong kahinaan, samakatuwid ay sundin ang aking mga pahayag ng may kahalagahan. Salamat sa pagtugon ninyo sa aking panawagan.
Mahal Kong Mga Anak! Gayon din sa araw na ito, ng may malaking kagalakan sa aking puso, tinatawagan ko kayo na magbagong-loob. Munti kong mga anak, huwag ninyong kalilimutan na kayo ay mahalaga sa dakilang planong ito, na pinangungunahan ng Diyos sa pamamagitan ng Medjugorje. Ninanasa ng Diyos na baguhin ang kalooban ng mundo at tawagin ito sa kaligtasan at sa daan patungo sa Kanya, Siya na simula at wakas ng lahat ng nilalang. Sa katangi-tanging paraan, munti kong mga anak, mula sa kaibuturan ng aking puso, tinatawagan ko kayo na buksan ang inyong kalooban sa dakilang grasya na ibinibigay sa inyo sa pamamagitan ng pagharap ko dito. Nais kong pasalamatan kayong lahat sa mga sakripisyo at panalangin. Ako ay sumasainyo at binabasabasan ko kayong lahat. Salamat sa pagtugon ninyo sa aking panawagan.
To compare Medjugorje messages with another language versions choose
1 2 Next>>

 


Wap Home | Updates  | Medjugorje[EN]  | Messages  | Articles[EN]  | Videos[EN]  | Pictures[EN]

Powered by www.medjugorje.ws